Snakk! om kunstig intelligens - eit morgonmøte med Odin Nøsen

Snakk! og Rits inviterer til eit triveleg morgonmøte med IKT-veteran Odin Nøsen. På morgonmøtet tar me pulsen på den kunstige tidsanda og spør Nøsen kor langt KI-utviklinga er komen. Det krevst ingen forkunnskap for å delta.

Nøsen vil ta oss gjennom ulike typar utviklingstrekk innan KI og hjelpa oss å skilja det eine frå det andre. Med dette håper me å få styrkja den digitale kritiske sansen, og få høve til å få eit meir presist språk for å kunne forstå og snakke om utviklinga. Konsekvensane av utviklinga vil dermed få mindre plass på dagens arrangement, men er du spesielt interesstert i det, kan du sjå på dette morgonmøtet som eit frampeik på neste Snakk! om KI, då vil konsekvensane bli via meir plass. Dagens hovudfokus er å få overblikk over KI-utviklinga, og på morgonmøtet vil det óg bli lagt opp til spørsmål og felles refleksjon. Me byr på kaffi, te og heimelaga kjeks. Det er elles mogleg å kjøpa seg mat og annan drikke frå den flotte menyen på Rits.

Program Rits kafé og vinstove

09.00 Dørene opnar

9.30 KI-utviklinga med Odin Nøsen

10.15 Kort pause

10.30 KI-utviklinga med Odin Nøsen

10.45 Oppsummering/avslutning

Velkommen til dette trivelege morgonmøtet om kunstig intelligens. Det krevst ingen forkunnskap for å delta.

Odin Nøsen er rådgjevar for oppvekst i Randaberg, medlem av Spillpedagogene, og driver av nettstedet spillpedagogbanken.no. Han har engasjert seg i IKT-utviklinga i ei årrekkje, har laga ein språkmodell for skulene i Randaberg, bidreg som medskapar i teknolgipodkasten «pedagogisk intelligens», saman med blant anna universitetslektor Magnus Nohr ved institutt for pedagogikk, IKT og læring ved Høgskolen i Østfold. I tillegg er Nøsen flittig til å testa ut, eksperimentera med og ta i bruk ulike typer digitale verktøy, og har dermed solid kjennskap til brukaropplevinga av mange ulike KI-verktøy. 

Om arrangøren:

Snakk! er ei upolitisk foreining som har som mål å bidra til åndslivet på Jæren gjennom opplysande, underhaldande og engasjerande, eventuelt også provoserande, arrangement. Snakk! blei oppretta i 2016 av Kristine M. Stensland, Ørjan Zazzera Johansen, Ove Martin Mellemstrand, Helene Nord- Varhaug og Bjørn Hagerup Røken.

Styret består i dag av:
Lillian Utne
Helene Nord-Varhaug
Iselin Grayston
Bjørn Hagerup Røken
Hans Kristian Tangen

Rits kafé og vinstove er ein kulturkafé midt på Bryne torg. Rits blir leia av Jostein Magnusson.